التسجيل

العودة   منتدى شكو ماكو > الــمــنــتــديــات الأدبــيــة والــمــجــالــس الــثــقــافــيــة > الشعر الشعبي العراقي

الملاحظات

الشعر الشعبي العراقي الشعر الشعبي العراقي الغزلي, الشعر الشعبي العراقي الحزين, عتاب, ابو ذيات, دارميات عراقية, الشعر الشعبي العراقي عن الحب


رد
 
أدوات الموضوع
قديم 8 - 1 - 2010, 3:08 PM   #1
الدغاري
مشرف سابق
الصورة الرمزية الدغاري
 
الدغاري is a glorious beacon of lightالدغاري is a glorious beacon of lightالدغاري is a glorious beacon of lightالدغاري is a glorious beacon of lightالدغاري is a glorious beacon of lightالدغاري is a glorious beacon of light الدغاري غير متواجد حالياً
إرسال رسالة عبر مراسل Yahoo إلى الدغاري

(( غريبة ))
يا غريب اذكر اهلك - والكَالها
.. ابحجية ايتنكّت
هيّج اجروح الكَلب .. والعين ..
كت مهضوم .. كتت
ذكروّها .. واعادة اليذكر يحن ..
والروح .. لاهل الروح حنّت
ونتّ .. اوماظن مثل ونها .. الصخر
.. خنساه ونّت
صبّرتها .. اوكابرت عالظيم .. والكابر
.. يظل بسكوت .. ينهت
طاحت ، اوفوك الفشل .. بمصابها
الشامت .. تشمت
شلون ذلت .... ؟
اخ ياروحي .. الكّبل جانت عزيزة
شلون ذلت .. ؟.
ملت امن اونينها .. او عذّالها
امن اللوم ملّت
واصبحت .. مثل الرشة المتروك
من يشله .. جليبة
اوحنت .. اوعاداة المحبين ..
لو حن المحب .. يطلب حبيبه يالتريدين
الولف .. ولف الجفاج .. امنين اجيبه
كافي غيبه .. كافي .. جلمات العتب
عالناس .. ياروحي الغريبة
يالمثل دلّه استوت بوجاغ ما يخمد لهيبه ..
يالتظنين .. ابعظم بلواج .. ما صارت مصيبه
هذا سهمج .. والسهم لوعات
والخانه الوكت يرضه بنصيبه
او هذا طبع الناس .. بيهم بلاوفه
اوبيهم وفي .. اتجيبه الحليبه
وانتي لا جف الينشف العين .. لا دار
الولف .. يمج جريبه
يالحسرتج . حسرة المجبود .. وادموعج
تبدّت
يالعلى اجروحج .. اعز الناس ..
من شافت ، تشمت
يالتظنين الشمل .. يلتم ..
شمل عزّج .. تشتت
======
(( الجثة والدود ))
تنيتك عود .. ينشاف العطش بيه ..
او عله .. المامش ، اهروشي اتجود
الوذ ابشيمة العاكَول .. واصعد .. عله
الآه اصعود
زمراوح يعمر اجفاك .. جرح ايصيح ..
او جرح يهود
او تنيتك وانت ميت شوك
ظنه اعله اليموت ايعود
اتاني الود .. يدمعة عين .. طاحت
وشيردها اردود
واشعزة الدمع بالعين .. لو ..
شح ساعة المنكَود
خليني اعله بالك .. طيف .. لو عادت
ايامي يعود
او خليني اويه دمك شوك .. من
شوكي البلايه احدود
ومحالل بعت وشريت .. بيهن والعمر
معدود
او مو ندمه الغزالة اتطيح .. صيده
ابشبجة الصايود
لاجن يالعزيز الحيف .. عالصايد
يكَع مصيود
لو ذيج الليالي اتعود ، او لو شطنه الجزر
يومين .. خنياب .. او يرد صيهود
جنت اصرخ : يهلغراف ما تغسل
اكَلوب السود
وتشلبه اعله سور الغيض .. لو ..
باب العتب مسدود
وكَبالك وافك الروح .. من .. حبل
الوفه المعكَود
وتكتر ولك دنياك .. خل تنكَص ..
او خل اتزود
واتصبّر .. يكَلبي انعيش .. تتواكَد
واكَلك هود
دنياتك نحيسة عين .. والوادم ..
خلية جود
وصوابك .. يجرح الآخ .. كل آخ
التلجمه يزود
يمعتب هظيمه اعليك .. تحصد ..
باثة المحصود
او تعتب والعتب مدفون .. جثة
التم عليها الدود
======
(( ردي .. ردي ))
ردي .. ردي
ياضعن شت عن هلة ، اوحدّاي
غربة .. البيه يحدي
ردّي .. ينباع العشك .. والياكَلب
تهوين صدّي
لا تهيجين الجروح .. اجروحي من تنلجم
... تدّي
وانة من دم اولحم .. مو من صخر
جبدة العندي
ردّي .. مليت الصبر .. وامكَاطر
الدمعة .. اعلّة خدي
وانة .. خلاني الوكت .. ناعور
بس اترس .. وابدي
جورت ليل الصبر . واعجزت منه ..
واهذا حدّي
بلجي من يغفة الجفن .. ما جلمة
التنكَال ، بعدي
انة موش اول زند .. يشتل
شلب .. ويحصد بردي
اولانة بس اتغربت والمعتنيلة ..
ايصير ضدي
ردي .. ردي
مالي حيل امعاتبج .. وانه العليج
اديت جهدي
غلّست .. عن الكَلت والكَال ..
كَمت اسمع .. واعدي ..
او صابرت صبر الطفل .. شربي الطفل
والحزن مهدي
واحملت ليل العطش .. وانه العيون
السود .. وردي
اوساهرت .. طول البعد لمّن
عشكَت اليال .. سهدي
والله جا مل او جزع .. لو قصتي ..
اعلة ايوب تسدي
ردي ..وانة .. موطبعي العتب
عالما حلاله .. ايصون عهدي
يا رخص ذاك الجدم . كون اعله ياهو
الجان .. يبدي
او يامناحه ذلتي .. اوليل الكَضيتة
ادموع وحدي
وانه .. من دم .. اولحم .. مومن
صخر جبدة العندي
انه خلاني الوكت
ناعور
بس .. اترس وابدي
======
(( نــذر))
ليس عندي غير روحي
وكانت .. وتبقى نذرا
.......
ادك روحي .. نذر للجايب
ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره ... ؟
يالمبشر .. ممحله الروح ..
غيمك .. عزّت امطاره
اوجثيره المايهزها الضيم ..
جن اكَلوبها حجارة
ولو لذة عشيج الموت .. كَلبه ..
ايموت بسراره
لجن ، شانت على المذبوح .. دمه ..
ايضيع فجّاره
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
هلبت .. مات
(جيــــفاره .. ؟)
اوهلبت .. (هوشي منه )
انكَطعت اخباره ..؟
عمت عين الوجاغ الماتشب ناره
ولو دنياك غداره
ولو .. جرحك .. جرف تعبان ..
تغفه الآخ باكتاره
لجن .. بيه العتب شاره
امن اشوفن : دانك السفان ..
صار الروج .. حدّاره
يهلتشبر ، خيال الليل .. وترد
كَاصره اشباره
اعله هونك .. بيه الك حسبات
كلها اغيوم مطاره
ابدمع ، يا دمعة المهظوم .. ما
ما تعتاز .. تسياره
يناري .. المالجم عاره
اعله هونك .. من يهاب
السيل .. لو ينخاض
تياره
اعله هونك .. من تربّه اهلال
.. غطت غيمته انواره
دَذر ، جرح الصبر بارود ..
خل يتباهن اكتاره
يبارغ .. من تضيف الموت ..
يخشى الموت .. خطاره
آنه الجرحك .. عشت مجروح ..
وانته .. ابعشر معشاره
الم بيه الوجع نيشان ثاير ..
ما يرد ثاره
واهزك هزة المطعون ، من تتلايم
اكتاره
اعله وكتك والوكت مشوار ..
غمّه الباع مشواره
واداري العيب تتداره
اداري العين .. وانته العين
.. والدم .. اورفيف
الدم
اداري الآه .. انته الآه ..
وانخه الروح .. لا تهتم
اداري الحيف .. كل الحيف ..
ظل بيك الحلم .. يحلم
اداري اوكَضت روحي انذور ..
لاوِد لا شمل يلتم
يهاوي الروح غم الروح كون
ابشان ما تحلم
يباجي العين .. ذل العين
بالدمعات تتوشم
هظم والشال هظم الناس لوجّه
الموت ما يندم
لَوَن .. شحت دموع الغيض ..
خل دمع العتب .. يلتم
ندامه ، اعله الشرف .. ينداس
والداس الشرف .. يسلم !؟
ندامه ، اوعزّة المندوم .. وكت
الثار .. يتحزم
فشك .. والمافهم معناك ..
بزمور التفك .. يفهم
او جرعنه .. اشجم شكل
علكَم .... ؟!
وِنِت طيف المحبه .. اوشوك
الولايه
انت .. زخات غيمه .. ابكَاع
صبخايه
يشاتل بالكَلب دايات .. دايه
اتلوب .. من \دايه
يبو الشط التعيش اوياك ..
قصته .. طينته .. اومايه
اشتكَل لمشذبات الروس ..
لوجن ليك .. شجايه ..
اشتكَل للطاح .. بين ارماح .. كلها
اوياه كَصايه .. ؟
اشتكَلي ؟ .. اوبيك روحي اتموت
وترد .. بيك تتحايه
ابرجاها ولو كسرها ايجيد .. تصرخ
وين جباره .. ؟
اوثكَلها .. اوعادة المضهود .. بالمعبار
.. يتباره
ولو .. جرحك جرف تعبان ..
تغفه الآخ .. باكتاره
لجن .. شانت على المذبوح .. دمه
يضيع فجاره
======
(( منهو انته ؟))
منهو انته .. ؟ منهو انته .. ؟
او جالغريب ... اعرضت عني !!
.. اوضيعت كَلبي .. اورجفته
آنه ، من جافاه خله .. او مانصح
.. وياه وكته
آنه زين .. او شين .. لأجلك
غلّست عنه .. او حملته
كورت .. حسرات كلبي .. او شوكَي
.. بين اجلاي ، جبته
اوجيتك .. ابتله دليل ..
المايعن .. واشكثر لمته
جيتك .. اوجرني الهوى ..
اوطاعة .. ذليل الشوك ،
طعته
اوجنت . اظنك .. طيب .. اوجفك
على الطيبات ، فلته
حسبّت لسه اعله حالك .. اريحي
اوذاك الوفي انته
حسبت .. غم الوكت .. يا رخص
الحساب الحسبته
جيتك .. او حسبالي اخو..
اوسمت الاخو .. يطلب
ابدرته
يا ونين المانفع .. جارد صخر من
مات ، لاخته
او ياحسرتي الطوّلت .. ومكَضي
ليل اجفاك .. سكته
صابر .. اوذوّب سواد العين ..
صبري .. او ما جزعته
وانته ابد .. ما جنك انته حتى
يومن كوضّت كَلبي اوبلايه
اوداع عفته ..!!
وآنه اجيتك .. واليجيلك ابزوم
عاني لشوفتك .. ليه ما عرفته ؟
لا تلكَيته ! .. بسلام احباب ..
ومحاضن حضنته
اولا بجيت الحالته .. اولا نشّفت
.. بايديك دمعته
اولا كَطعت النفس منه ، اوطردة
الضايع طردته
اولا نشدته ! .. هذا المتاني الوفه
.. هلبت يناهي .. اعرفت
قصته
يا ندمته ، يا فشلته اشكَد تعب ؟
تالي ابجحف مكسور .. بعته
======
(( ما افيدك ))
يالعز دمعك .. شلك بدموع عيني ؟
اتريد ازيدك
لا توصي الناس وتكلف كَلب .. تعبان
.. كفارة بريدك
لا تذوب شمعة العشرين .. والعشرين ..
جالزنجيل بيدك ..
لا تحط نفسك شكَص نوجات .. وانته
حجاية العاذل تصيدك
لا تحط كَلبك على الصوبين كل وصله
.. بكتر وتكَول : اريدك
يالشلت كَلبي.. اولظمت الخيط ..
بجروحه .. اعله جيدك
يالتظن .. حسنك ملك .. عالناس
.. والوادم عبيدك
ما افيدك .. ! آنه راضي ابحالتي
او حالك .. عله ويصعب مناله
مغتر .. او طبعك عَوَج .. متصلب
او يصعب عداله
انته دمعك بالمثاقيل انشره .. او دمعي
اليهل .. محد بجاله
انته عنبر . وآنه صم ادنان .. وانباع
ابرخص ، محد بحاله
يالسكن وسط الكَلب .. ويوك
متغاوي ابدلاله
انته فاله .. ركشت ابكَلبي .. اولجت
نابين .. واكَعدها الدهر للجنّة اجماله
واصبرت راضي ابعذاب الروح ..
والسكته .. اصبحت وياي
حاله
يلي جامع بين طبع .. الذيب ..
واوصاف الغزاله
حلو .. او عادات الحلو .. من كثر
ما يغتر .. يجط لوله اجماله
ماله وكتي او اياي ، ورطني ابعشك
جذاب ... ماله .. ؟
شَفِج .. بس ابدفكَة الدمعات ..
خلاني اعله باله
جالغريج الجرته الخورة .. لغميج
الماي .. واتعذر نتاله
يلي جنت اوياه .. متساوي السهم ..
والوكت حطني .. اوراح شاله
اتنزرت روحي .. او صفت تعرض عن
اسمك .. ما تريدك
يالحسرتي اتونسك .. ومجاذب
الحسرات عيدك
ما افيدك
======
(( لا تجيــنة ))
:لا تجينه .. لاتجينه .. جان كَلت
ابوجه الابيض ..
غير معشركم لكَينة
جينة مشتاكَين .. وبلهفة .. او تسد
بابك علينه
جينه ايدفعنه الهوى . اودمعاتنه
اتكَطر بدينه
اوجنت اظن عندك وفه .. اورحية
من فرد طينة
غمكَت جرح الجفة .. اوزدت ..
الكَلب ونه لونينه
اعتب اعله الروح .. جي لنها اعله ..
ريحتكم حنينة
واعتب اعله الشوك .. والعشرة ..
اوسوالفها الحزينة
علمتني شلون يتبره .. الخوي ..
اوحمل اليكَع محد يعينه
عفية صحبة هالوكت .. بيها اليجافي
.. اشوكح عينه ..
او لاتجينه .. !! - ما اجيكم واليدك
بابك ، بعد تنشل يمينه
او جينه .. مدري الجدم زل بينه
العه دربك .. لو عمينه
اوجيت ارد اروحي .. البكَت سنتين
بديارك رهينه
اوجني ضيف ! او عادت الينضاف ..
للخطار .. يرخص ماي عينه
وانته .. ما جنك ربيت ابماينه ..
او شارب حنانه
وانكرت حتى العرف .. يوم الوكت ..
.. بيدك رمانه
عفيه كَلبك هلبت ابساعه .. وفه
.. ابالك طرانه
او جينه نشجيلك .. عذاب اجروحنه
.. او لوعة هوانه
آخ .. يا دمعك فلا يبطل .. يهل ..
لمن عمانه
يا عفه اكَلوب التشيل .. الظيم
وشنحمل عفانه
او حتى اعز الناس من طحنه ..
ابهظم جاروا علينه
:او من وصلنه الدارهم كَالوا
اشجابك ؟. لا تجينه
عفيه صحبة هالوكت بيها اليجافي
اشوكح عينه
======
(( هذاك آنه ))
هذاك آنه .. الكَطعتي الماي .. عنه ..
او عاش باحزانه
هذاك آنه - الشراع .. الماكسر نوماس
سفانه
او هذاك آنه - الربط بالمستحة
اِلسانه
اعت روحي .. اويعتها الشوك ..
واشتلها اعله بنيانه
ابصبر .. بلجن ، يمرها الطيف
ياخذها اعله جنحانه
او يوديها لولف مامون .. تغفه ..
ابطيب ريحانه
او هذيج انتي اشمجالب بيج .. لنج ..
طالعه دنانه
اشرخص بيع الرخيص .. ايصير
لو ما ثكَل ميزانه
يسرّي الجزع كتمانه ..
او هذاك آنه - الونينه ايدلي ..
المتيهين .. لو ضيعوا عنوانه
او عذابه .. اولاعذاب ايوب ..
مر مره .. اعله بيبانه
او عتابه .. او يا عتب ، جندوب ..
متعلك عَلَه اردانه
ايعمت بيك .. ايتسله وياك
واترده اعله ديدانه
وجد .. واملاوح الدمعات ..
مل اعيون ندمانه
او هذيج انتي .. الخطيه ..
المارضت
تغفر خطايانه
اورمتنه .. وحملتنه اهموم ..
فوك
.. اهموم دنيانه
اوجفت .. لا بخّت الملهوب ..
ولا وجّت
بكَايانه
او هذاك آنه .. هرش لوشح
عليه الماي .. كَوة ايعيش
باحزانه
======
(( حني حني ))
اشويه ياعين الخشف .. خزرات
المعاتب .. جوني
من كثر ما لوع .. حتى اهلي ..
اصبحت جزعانه مني
رافكَتني الونه .. والحسرات
من بطن الحملني
او هذا عمري .. امكَالب اويَه الضيم
ما مر الضحج .. مرة اعله
سنّي
او هذا حجي الناس .. اون من لوعتي
او كَالوا يغني
فتَّر اعيونك .. تره اعيونك كَصن
بسنين عمري او ذوبني
آنه احب منهن .. نبل مغتاض ..
خلهن يوجعنّي
ذابل .. اوكَاصي العطش وياي
جا هلبت رونّي .. ؟!
انسه حزنك .. لا يحن حزني ..
او على اعناد الحزن ..
يا زين .. اغنّي
حتى اصيحن : يا حسرتي اتباعدي
او يا بسمتي الضاعت تدنّي
آخ مني او آخ من روحي الكَت
هذا العمر بس بالتمني
وسرت بيها او صحت : يا روح
هدوة ليل ، عنّي
آنه .. موش اول هرش . داسن
بسبّاحي .. اولوني
آنه .. مثل الناس .. لِكزني ابرمح
بوك ، اوجفني
ضيعن دمي .. ولا جنهن الجاتل ..
وانكرنّي ... !!
يالتلجين اعله شوف السود ..
بس اكَفن .. نسني
ثكّلّن حمل البعد .. وآنه الرجيج ..
اوكلفني
ذوبي من نار الجفة .. او بدموعج
اليجرن تهني
اوعني .. خليني استجن .. يمعذبه
.. اشتردين مني .. ؟
او هذا عمري مكَالب اويه الضيم
.. ما مر الضحج .. مرة
اعله سني
اوهذا حجي الناس .. اون
من لوعتي .. اوكَالوا :
يغني
======
(( كَـوه ))
كَوه .. كَوه اتريدني العذال ارد
للشوك واهوه
او ما دروني اضحك ضحك .. مجبود
.. جالمجبود كَوه
او مادروني .. اسحن سحن بالروح ..
واخزن هالعذاب ابسمل جلوة
خايف السان البطر ، واضحك ..
جذب
.. والنار جوه
او صابر .. او روحي ابملام اللايمين
ابتلت بلوه
حارت اوياهم ، يذكروها .. المضه ..
او كَالوا : اشدعوه ..؟
واصبحت مثل اليهد .. اوحيد ..
جدام الزلم .. وبعازة اخوه
ينولي .. او خالي الظهر ، مهظوم
بدموعه ايتجوه
ذكرت روحي ابتعبها .. الضاع ..
جالهويه
ابشبج ، والراح فدوه
ونت .. او ونة توالي الليل ..
للمالوم سلوه
بارت .. او جاري البزل .. شيفيد
من يحرن ابعلوة .. ؟
او دورت صاحب كَلت : بلجي امن
المجافينه اشوه
لنه ركَطة خيط .. وبسم الثعابين ..
يتطوه
ارد اشج روحي .. ابرمح ..
حسرات ، من تذكر الخوه
وارد اصيحن : تايب .. امن
الشوك
.. ما ظل عمر يسوه !
======
(( عِــشكـَـْــتك حلم ))
عِــشكـَـْــتك حلم
بالوحشة البعيده اتسامر اجفوني
وعِــشكـَـتكَ
من ونيــن النايحـه الحره
التلم مجرى الدمـع
من عينها اعيوني
وعرفتك تستحي من العايزه الجبحه
وتـِفل فل الظفاير سفة اضنوني
وتوسمتك .. نِكـش بجفوف بدويه
وذهب ليره .. وشهامه .. اتوج شمس لوني
وتِـعودتك
حليب الوالده الطيبه
وصبرها .. وشيبها
اليتعب على امتونــي
ونذرتك وجه للنجمه الجديده
ونايل وغايه
سمارك عزّتي .. وعشاكـَك اهوايه
عشير الكل عشير ايصونك ابروحه
وبري من كل وجه لو ما حفظ مايه
اشـمّك بالجفوف الطاهره الخشنه
واشوفك بالوفي الكِصٌته امندّايه
وأبورح
لو هبوبك يلتكَـي اّبارح
واخضّر بالعطش من هيبتك دايه
انه ابغيرك كـَمر ما شافته اولايه
انه ابغيرك قلب نِـــيٌته امغـَطـّـايه
ويظل طرواك
نسمة بر.. لايرخص شرفهه
ولاهي تتعـثــّر
يمن طرواك .. خاوه الجدم والمعبر
يمن طرواك.. خاوه الجرح والخنجر
تعودتك
شهامه وخوف ومكابر
وتعـّودتك
محــّبه وليل ومسامر
وتعـّودتك .. خليل وخل
حبيب وكل حبيبه اتبيع طاريها
و ِنــِــتْ
ما بِعِـتْ طاري الراح والمجبل
يمنجل مايلف الردي من االسنبل
يذل وجـــــــه اليضدّك
ونته ابد ما اتذل ,
======
(( عاذرك ))
كاسرت عمري اعله عمرك
كطعت ليش . . وحِـركتك
جويه مني وجويه منّك
ونتشيت . . استاهلك . . شهكة عوافي
وخيّبت ظني . . وصدك ويّاي ظنك
ماكلت عنك . . عرك جفّك ابجفّي
ولا كلت جاسك زعل . .
واشتعل دمي ابنار دمّك
أصعر . . وتستسهل . . اتشاغل خيالي
وياخذك غيّك . . خرز خلخال . . تِـطّــشّـر وألمّك
ومدري ليش . . أتمايزك وردة اكرنفل
اِتّيه روحي ابريحتك . .
واحتار من ياصفحه اشمّك
أختلي ابحسنك . . وافج كلبي واطلعك
تلعب ابعمري . . وخاف الغير يندلّـك وأضمّك
خاف تاخذني . . اعله بستانك فرحِتي . .
وخاف تكبر حيرتي . .
وحسنك يغرّك
خاف تِطشّر ولك . . وشلون المّك ! ؟
كالو : ايحبك ! !
كلت من شاف كلبه ؟
وجبّست دمعي . .
وسكن نبض الكلب . .
عن لا يذمّك
تِرسْ جفّي . . اسوالفك وحده اعله وحده
وعرك جيدك زمزمي . .
وخجلان تتعذّر !
واكلّك : لايهمّك
من تجِسني اشفايفك
تاخذني غيبه !
ومن تِرِشْني ابمزنِتَك . . ولهان افز . .
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
وخاف تطّشّر خرز . .
وشلون المّك ؟
اشجان ضرّك . .
تختصر بعدك عليه ؟
وكلّي شكرات وحمد
للمختصر . . حسنك ابخصرك
تشرب معافي . . حناني ولهفتي
وتنتشي ابغيّ الشذى . .
وتتعزّل اعزال من اجرّك
من جمعني وياك ؟
من شدني . . ويه طولك . .
طعّمك بيّه
وصرت حلوك ومرّك
لنها ما بالغبشه . . غبشه . . ابغير عينك
خاف اترزبيك .. حد كطع النفس
وازهك واضرك !
خاف تطشر خرز ..
وشلون المك ؟
ومن كبل .. كل شوكه عمري من الطوارف
حسبت مثل الوداد .. الفات ودك
من كبل .. وآنه الورع كحل اجفوني
وجنت اظن :
وكت التهد بيه روحي اهدك ..
لني كلما فززن صبري الليالي ..
وخان وكتي
اتوسلك .. هدوة كت خليني عندك
اوعاذرك .. لو هدل عودك ..
من كدر يحمل حسن مثلك وكدك ؟
عاذرك تغلط ابحكي ..
وتبخل ابظلك على النايم ابسدك
عاذرك تغتاض ..
بس من غير شاره ..
وشارتك هالبينت
ودخيل جدك
عاذرك .. عن لايهم كلبك ابهمي
وتنترس عينك دمع
وتنترس عينك دمع ,
======
(( أخذني وياك ))
جملني بعد كطره 00 وخذني وياك
هناك 00 الفيض كلبك 00
حتى روحي تنام
عصفورة جرف 00 بلل جنحها الكيض
اخذني وياك
امشي ابغير واهس 00
والطواري كصار
وعيوني غرب 00 وجفوف اديه اوداع
واسمي 00 ابغير معنى 00
وميل كحلك غاب
وتنشدني اعله كلبي !
كلبي حب وذاب
ياكلبي حلك تنور 00 لو سرداب ؟
صوغني 00 ولو من ليلكم نجمه 00
تبات وياي
ومن تشبع سهر 00
ويجيسها الوهواس
اطفيها ابصبح 00
والغبشه رشكه ماي
واشعلني ولع 00
يدوي العطش بالعود
حتى انزع جلد روحي 00
وارد لصباي
أملني الفرح بسمك 00 ورد عالباب
فاحت ريحته 00 ولنك بعد ماجاي
بعد ماجاي !!
من ياصوت أصيحك ؟
والصدى ايجاريك
واكلك : مكدرت 00 يالتكدر ابلياي ,


التوقيع:
  رد مع اقتباس
قديم 8 - 1 - 2010, 3:39 PM   #2
زهہرة الہثہلہج
مشرفة سابقة
الصورة الرمزية زهہرة الہثہلہج
 
زهہرة الہثہلہج has a reputation beyond reputeزهہرة الہثہلہج has a reputation beyond reputeزهہرة الہثہلہج has a reputation beyond reputeزهہرة الہثہلہج has a reputation beyond reputeزهہرة الہثہلہج has a reputation beyond reputeزهہرة الہثہلہج has a reputation beyond reputeزهہرة الہثہلہج has a reputation beyond reputeزهہرة الہثہلہج has a reputation beyond reputeزهہرة الہثہلہج has a reputation beyond reputeزهہرة الہثہلہج has a reputation beyond reputeزهہرة الہثہلہج has a reputation beyond repute زهہرة الہثہلہج غير متواجد حالياً
افتراضي

انسه حزنك .. لا يحن حزني ..
او على اعناد الحزن ..
يا زين .. اغنّي
حتى اصيحن : يا حسرتي اتباعدي
او يا بسمتي الضاعت تدنّي
آخ مني او آخ من روحي الكَت
هذا العمر بس بالتمني


..................................
عاشت ايدك ديوان وكلمات روعه روعه
تحياتي الك صديقي الغالي
ودمت بهاذا الابداع

التوقيع:

رَبي أجعَلْ الْقادِم أَجمَل مِنْ كُل
التَّوَقـعَاَت،،
  رد مع اقتباس
قديم 9 - 1 - 2010, 11:03 AM   #3
الدغاري
مشرف سابق
الصورة الرمزية الدغاري
 
الدغاري is a glorious beacon of lightالدغاري is a glorious beacon of lightالدغاري is a glorious beacon of lightالدغاري is a glorious beacon of lightالدغاري is a glorious beacon of lightالدغاري is a glorious beacon of light الدغاري غير متواجد حالياً
إرسال رسالة عبر مراسل Yahoo إلى الدغاري
افتراضي

شكرا لمروركي الجميل ياوردة

  رد مع اقتباس
قديم 11 - 1 - 2010, 5:10 AM   #4
ربان الحيارى
مؤسس القسم الادبي
الصورة الرمزية ربان الحيارى
 
ربان الحيارى has a reputation beyond reputeربان الحيارى has a reputation beyond reputeربان الحيارى has a reputation beyond reputeربان الحيارى has a reputation beyond reputeربان الحيارى has a reputation beyond reputeربان الحيارى has a reputation beyond reputeربان الحيارى has a reputation beyond reputeربان الحيارى has a reputation beyond reputeربان الحيارى has a reputation beyond reputeربان الحيارى has a reputation beyond reputeربان الحيارى has a reputation beyond repute ربان الحيارى غير متواجد حالياً
افتراضي

احسنت الاختيار
ديوان ينساب بين ناظرينا
بكل اريحية
كن بخير

التوقيع:
.
.






  رد مع اقتباس
قديم 12 - 1 - 2010, 2:34 PM   #5
lonely queen
شكشوك نشيط ... روح بفالك
 
lonely queen is on a distinguished road lonely queen غير متواجد حالياً
افتراضي

عاشت ايدك عالنقل المميز ونحو الافضل دوم يا رب

تحياتي

  رد مع اقتباس
قديم 12 - 1 - 2010, 3:12 PM   #6
الدغاري
مشرف سابق
الصورة الرمزية الدغاري
 
الدغاري is a glorious beacon of lightالدغاري is a glorious beacon of lightالدغاري is a glorious beacon of lightالدغاري is a glorious beacon of lightالدغاري is a glorious beacon of lightالدغاري is a glorious beacon of light الدغاري غير متواجد حالياً
إرسال رسالة عبر مراسل Yahoo إلى الدغاري
افتراضي

شكرا ياورود على المرور نورتو صفحاتي

  رد مع اقتباس
قديم 25 - 3 - 2010, 1:35 AM   #7
»» عمر الشاعريـــے ««
مشرف سابق
الصورة الرمزية »» عمر الشاعريـــے ««
 
»» عمر الشاعريـــے «« has a reputation beyond repute»» عمر الشاعريـــے «« has a reputation beyond repute»» عمر الشاعريـــے «« has a reputation beyond repute»» عمر الشاعريـــے «« has a reputation beyond repute»» عمر الشاعريـــے «« has a reputation beyond repute»» عمر الشاعريـــے «« has a reputation beyond repute»» عمر الشاعريـــے «« has a reputation beyond repute»» عمر الشاعريـــے «« has a reputation beyond repute»» عمر الشاعريـــے «« has a reputation beyond repute»» عمر الشاعريـــے «« has a reputation beyond repute»» عمر الشاعريـــے «« has a reputation beyond repute »» عمر الشاعريـــے «« غير متواجد حالياً
إرسال رسالة عبر مراسل Yahoo إلى »» عمر الشاعريـــے ««
افتراضي

شكرا ورده

اشعارخرافية وربي


عاشت الأيادي

تحياتي
-- »» أبــو قصيـــے «« --

التوقيع:
  رد مع اقتباس
قديم 2 - 4 - 2010, 7:59 PM   #8
wAw_1995
شكشوك عطال بطال
 
wAw_1995 is on a distinguished road wAw_1995 غير متواجد حالياً
افتراضي

شباب اريد شعر mp3 اذا اكو اكون ممنون

  رد مع اقتباس
قديم 18 - 4 - 2010, 2:32 PM   #9
عندمـا تسرق الآحـلام
شكشوك رئيس الوزراء
الصورة الرمزية عندمـا تسرق الآحـلام
 
عندمـا تسرق الآحـلام has a reputation beyond reputeعندمـا تسرق الآحـلام has a reputation beyond reputeعندمـا تسرق الآحـلام has a reputation beyond reputeعندمـا تسرق الآحـلام has a reputation beyond reputeعندمـا تسرق الآحـلام has a reputation beyond reputeعندمـا تسرق الآحـلام has a reputation beyond reputeعندمـا تسرق الآحـلام has a reputation beyond reputeعندمـا تسرق الآحـلام has a reputation beyond reputeعندمـا تسرق الآحـلام has a reputation beyond reputeعندمـا تسرق الآحـلام has a reputation beyond reputeعندمـا تسرق الآحـلام has a reputation beyond repute عندمـا تسرق الآحـلام غير متواجد حالياً
افتراضي

عاشت الايادي حبي
ديوان اكثر من راائع
لشاعر في قمة الابدااع
مننحرم

التوقيع:

.
  رد مع اقتباس
قديم 18 - 4 - 2010, 11:30 PM   #10
HinD iRaQ
مستشارة إداريــة سابقاً
الصورة الرمزية HinD iRaQ
 
HinD iRaQ has a reputation beyond reputeHinD iRaQ has a reputation beyond reputeHinD iRaQ has a reputation beyond reputeHinD iRaQ has a reputation beyond reputeHinD iRaQ has a reputation beyond reputeHinD iRaQ has a reputation beyond reputeHinD iRaQ has a reputation beyond reputeHinD iRaQ has a reputation beyond reputeHinD iRaQ has a reputation beyond reputeHinD iRaQ has a reputation beyond reputeHinD iRaQ has a reputation beyond repute HinD iRaQ غير متواجد حالياً
افتراضي

القصائد قمه في الجمال والروعه للعملاق عريان سيد خلف
عــاشت ايديك اخويه الدغاري على اختيارك الراقي
والف شكر الك على مجهودك

  رد مع اقتباس
رد

مواقع النشر

العبارات الدلالية
الشاعر, السيد, الكبير, خلف, حيوان, عريان


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود BB متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
لا تجينة للشاعر عريان السيد خلف الدغاري الشعر الشعبي العراقي 15 2 - 8 - 2010 7:44 PM
الشاعر عريان السيد خلف ,, في قصيدة ,, HinD iRaQ الشعر الشعبي العراقي 6 1 - 8 - 2010 9:10 PM
جيّة العيد الشاعر عريان السيد خلف HinD iRaQ الشعر الشعبي العراقي 5 8 - 1 - 2010 1:45 AM
نخلة البرحي للشاعر الكبير عريان السيد خلف السحاب الابيض الشعر الشعبي العراقي 3 26 - 11 - 2008 7:21 PM
(( عِــشكـَـْــتك حلم )) لشاعر عريان السيد خلف شمس وطنه الشعر الشعبي العراقي 12 23 - 7 - 2008 6:26 AM


جميع الأوقات بتوقيت GMT +3. الساعة الآن 4:51 PM.


Powered by vBulletin® Version 3.8.7 Copyright ©2000 - 2014, Jelsoft Enterprises Ltd
vEhdaa 1.1 by ShakwMakw ©2013
انضم الينا